MATIUS 27:42 - KITTA' MATANGKASA'

⁴² “Napasalamaki tau maraenga, na KalenNa taNakulle Napasalama'! Punna Karaennai bansa Israel, lappassammi naung battu ri sallika kamma-kamma anne, na kinampa tappa' ri Ia.

MATIUS 27:42 Referans Kwoze

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

LAMPA-LAMPANA 4:14

Mingka tanaassengami angkana apa lanakana ke'nanga, lanri anjo tau le'baka niballei niaki ammenteng siagang Petrus na Yohanes ri dallekanna ngaseng ke'nanga.

YOHANES 12:47

Inai-nai ampilangngeri pangngajarangKu, mingka tena nanaturuki, – teai Nakke anghukkungi. Nasaba' tena naKubattu untu' angngadeli anne linoa, passangalinna untu' lampasalamaki.

YOHANES 12:13

Angngallemi leko'-leko' kayu ke'nanga nampa mange anruppai Isa. A'rannu-rannumi ke'nanga angkana, “Pujimi Allata'ala! Nibarakkakimi Ia niaka battu lalang arenNa Batara. Nibarakkakimi KaraenNa Israelka!”

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

LUKAS 19:38

Akkiok-kio'mi ke'nanga angkana, “Nibarakkakimi Karaeng battua lalang arenNa Batara! Salewangangi ri suruga, nanipuji Allata'ala!”

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

MATIUS 27:40

Nakana ke'nanga, “Ikaumi eroka anrumbangi Balla'Na Allata'ala, na nupabangung poleang ri makatalluna alloa! Punna Ana'naKo Allata'ala, naung maKo mae battu ri antu sallika, na Nupasalama' KalenNu!”

MATIUS 27:41

Kamma tomminjo nagaukang imang-imang kapalaya siagang guru-guru agamaya, kammayatompa pamimping-pamimpinna tu Yahudia. Nacau-cau tommi Isa angkana,

MARKUS 15:31

Sikamma imang-imang kapalaya siagang guru-guru agamaya amminawang ngaseng tommi ancau-caui Isa. Angkanami ke'nanga para ia, “Napasalamaki tau maraenga, mingka KalenNa tanakulle Napasalama'!

MARKUS 15:32

Punna ma'nassa karaenna memang tongi tu Israelka, Karaeng Mappasalamaka, baji'mi punna Napanaung KalenNa battu ri anjo kayu sallika, sollanna na nicini' nakitappa' todong ri Ia!” Kammayatompa anjo tau naaganga Isa nisalli', katuru'-turukang tommi anghinai Isa.

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”

LUKAS 23:37

nampa nakana ke'nanga, “Punna karaennaKo tu Yahudia, pasalama'mi KalenNu!”