MATIUS 27:38 - KITTA' MATANGKASA'

³⁸ Nia' todong rua tau paella' naagang Isa nisalli'; se're ri sa'ri kananNa, se're ri sa'ri kairinNa.

MATIUS 27:38 Referans Kwoze

YOHANES 19:18

Anjoremmi nisalli' Isa. Nia' todong rua tau maraeng Naagang nisalli'; sitau nisalli' ri sa'ri kairinNa, na sitau ri sa'ri kananNa, na Isa ammantang ri tangnga nisalli'.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

MARKUS 15:27

Nia' todong rua paella' naagang Isa nisalli'. Sitau ri sa'ri kananNa, sitau ri sa'ri kairinNa. [

MATIUS 27:44

Anjo paella' Naaganga nisalli', amminawang turu' tommi anghina-hinai Isa.

LUKAS 22:37

Nasaba' patappaki anne nipaua lalang ri Kittaka angkanaya, ‘Lanibilangi tau ja'dala'.’ Iaminne musti lakajariang ri KalengKu. Nasaba' apa tattulisika lalang ri Kittaka passala' ri Nakke, iaminne kajariang ri kamma-kammaya anne.”

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

MATIUS 27:39

Sikamma tau niaka numalo, massing napammenggong ulunna, nahina-hinaimi Isa.