MATIUS 27:32 - KITTA' MATANGKASA'

³² Ri tangngana aganga, sibuntulu'mi ke'nanga siagang sitau tu battu ri Kirene, niarenga Simon. Napassami ke'nanga anjo taua ampisangi kayu salli'na Isa.

MATIUS 27:32 Referans Kwoze

MARKUS 15:21

Ri tangngana aganga nia'mo sitau nasuro ke'nanga ampisangi kayu salli'Na Isa. Anjo taua beru battui ri desaya ero' antama' ri kotaya. (Niarengi Simon, ana'na Aleksander siagang Rufus tu battua ri pa'rasangang Kirene.)

LUKAS 23:26

Nierammi Isa ri ke'nanga. Ri tangngana aganga, sibuntulu'mi ke'nanga siagang sitau bura'ne, niarenga Simon. Anne Simon tau battu ri Kirene, sitabangi ero' antama' ri kotaya. Nijakkala'mi Simon ri ke'nanga, nampa nipassa ampisangi anjo kayu sallika ri bokoNa Isa.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

LAMPA-LAMPANA 6:9

Mingka nia'mo siapa are tau angngewai; iamintu anggotana ngaseng balla' sambayang niarenga Balla' Sambayanna Tu Bebasaka. Anggota-anggotana anjo balla' sambayanga, iamintu tu Yahudi battua ri Kirene siagang Aleksandria. Sipammemtengammi ke'nanga siagang tu Yahudi battua ri Kilikia siagang Asia, anggea'-geakki Stefanus.

LAMPA-LAMPANA 2:10

Frigia, Pamfilia, Mesir, siagang battu ri daera-daera Libia sikambania Kirene; ikatte niakki' tu battu ri Roma,

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

LAMPA-LAMPANA 11:20

Mingka nia' todong anjo tau tappaka, iamintu tu battua ri Siprus siagang Kirene, a'lampa mange ri Antiokhia. Na iaminne ke'nanga ampabattui tongi Kabara' Bajika ri passala'na Isa mae ri tu tenayapa nantama' agama Yahudi.

YOHANES 19:17

Assulu'mi Isa ampisangi kayu salli'Na, Naerang mange ri tampa' niarenga “Tampa' Tangkora'”. (Lalang bicara Ibrani nikana Golgota.)

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

KAIMANGNGANG 4:12

jari yangasenna, pantaranganna bageang le'baka nisa'la', musti nierangi assulu' ri pantaranganna pakkemaanga. Anjoreng, anjo sapia musti nitunui irate ri kayu pepe' tampa' pammelakkang aua, iamintu tampa' le'baka nisa'la'.

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

KAIMANGNGANG 4:21

Nampa anjo sapi lakia musti nierangi assulu' na nitunu ri pantaranganna pakkemaanga, sangkamma nigaukanga ri passare sapi lakia untu' koro'bang nipammopporanna dosana kallena anjo Imang Lompoa. Kammaminjo batena nipassareang koro'bang untu' nipammopporanna dosana ummaka.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

MATIUS 5:41

Punna nia' tummarenta ampassako angngerangangi barang-baranna se're kilometere' bellana, erangangi rua kilometere' bellana.