MATIUS 27:31 - KITTA' MATANGKASA'

³¹ Le'baki nakarek-karenai, napasulu'mi ammotere' ke'nanga anjo juba cura' lame butunga. Nampa napipakei ammotere' pakeang KalenNa Isa. Le'baki anjo nierammi assulu' nampa mange nisalli'.

MATIUS 27:31 Referans Kwoze

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

IBRANI 13:12

Iaminjo saba'na napantaranganna todong pakke'bu' lompona kotaya mate Isa, sollanna nakkulle Natangkasi dosana sikontu umma'Na, lanri anjo cera' KalenNa.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

MATIUS 21:39

Najakkala'mi anjo ana'na patanna koko, nampa nabuno, nanapela' assulukang.”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

YOHANES 19:27

Nampa Nakana Isa ri anjo ana' guru Nakamaseanga, “Anjo mae amma'nu.” Pakkaramula anjo wattua natarimami amma'Na Isa ammantang ri balla'na anjo ana' guru Nakamaseanga Isa.

YOHANES 19:16

Jari napassareammi Pilatus mae ri ke'nanga Isa sollanna nisalli' ri ke'nanga. Niallemi Isa ri ke'nanga, nampa nierang a'lampa.

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

PAMMILANGNGANG 15:35

Nakanamo Batara mae ri Musa, “Anjo taua musti nihukkung matei. Musti nierangi assulu' ri pantaranganna pakkemaanga nampa anjoreng musti nisambilai ri sikontu ummaka siagang batu sa'genna mate.”

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MARKUS 15:20

Le'baki nakarek-karenai Isa, napasulu' poleammi ke'nanga anjo juba cura' lame butunga, nampa napipakei ammotere' pakeang KalenNa Isa. Nampa nierang assulu' Isa, lamange nisalli'.