MATIUS 26:74 - KITTA' MATANGKASA'

⁷⁴ Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

MATIUS 26:74 Referans Kwoze

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

YOHANES 18:27

Assassala'mi pole Petrus, nakana, “Tena,” – na sitabang anjo wattua attingkokomi janganga –.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

LUKAS 22:60

Mingka appialimi Petrus nakana, “Apa nukana? Tena nakupahangi antu nupakkanaya!” Anjo wattua, sitabanna a'bicara ija Petrus, attingkokomi janganga.

MARKUS 14:68

Mingka assassala'mi Petrus. Nakana ri anjo palayanga, “Takuassengai siagang takupahangai antu bicarannu.” Nampa a'lampami Petrus mange ri pakke'bu' lompona anjo balla'na imang lompoa. [Anjo wattua attingkokomi janganga.]

MARKUS 14:30

Nakanamo Isa, “U'rangi, angkanaya ia memanji anne bangngia, ri tenanapa napinruang attingkoko janganga, napintallung mako ansassaliA'.”

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

HAKING-HAKING 17:2

Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

MATIUS 26:34

Nakanamo Isa ri ia, “U'rangi Petrus! Ia memang jinne bangngia, ri tenanapa nattingkoko janganga napintallumMa' nusassali.”

MATIUS 26:73

Tena nasallo le'ba'na anjo, battumi ri dallekanna Petrus tau niaka ammenteng anjoreng, na nakana ke'nanga, “Ma'nassa kalase'rennako battu ri ke'nanga. A'nassa sikali nilangngere' ri batenu a'bicara.”

MATIUS 26:75

Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.