MATIUS 26:60 - KITTA' MATANGKASA'

⁶⁰ Mingka takkulleai ke'nanga appa'nia' butti, manna pole najaimo battu sa'bi a'balle-balle ero' ambattali. Kala'busanna nia'mo rua tau battu andallekang angkana,

MATIUS 26:60 Referans Kwoze

PAOLE 19:15

“Punna sitauji bawang sa'bi tanggannakkapi untu' ampattantui kasalanna se'rea tau nitudu; kaminang kuranna ruapi tau niparalluang untu' a'jari sa'bi ri anjo passalaka.

PAMMUJI 35:11

Sa'bi-sa'bi ja'dalaka ambangungi ambalianga', siagang natudua' anggaukangi apa-apa tenaya kuassengi.

PAMMUJI 27:12

TeaKi' passareangia' mae ri hawa napasuna balingku, ambakkaia' siagang balle-balle na panggaratta'.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

TITUS 2:8

Pakei kana-kana bajika, tenaya nakkulle nacalla taua, sollanna a'jari siri'-siri' balinnu, lanri tena apa-apa kodi akkullea napake ambicara kodiki'.