MATIUS 26:44 - KITTA' MATANGKASA'

⁴⁴ Sikalipi pole a'lampa ambokoi ke'nanga, mange appala' doang maka pintallunna, kamma sumpaeng.

MATIUS 26:44 Referans Kwoze

2 KORINTUS 12:8

Pintallunga' appala' doang mae ri Batara sollanna akkulle nipasulu' anjo garringa battu ri kalengku.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

MATIUS 6:7

Na punna assambayangko, tea' mako la'bu dudui bicarannu, sangkamma tau kapereka. Nasaba' napikkiriki anjo tau kapereka angkanaya punna la'bu sambayanna, iaminjo lanitarima ri Allata'ala.

MATIUS 26:43

Le'baki anjo ammotere'mi pole, nanarapikang pole ana'-ana' gurunNa attinro, lanri ta'do'do' duduna ke'nanga.

MATIUS 26:45

Nampa ammotere' pole ri ana'-ana' gurunNa, na Nakana, “Attinro ngasengijako siagang ammari-mari ngasengijako? Ciniki, narapi'mi wattunna lanialle Ana' Ma'rupataua, nampa nipassareang mae ri sikamma tau ja'dalaka.