MATIUS 26:35 - KITTA' MATANGKASA'

³⁵ Appialimi Petrus nakana, “Manna pole lasikamateangki', mingka tena sikali nakuero' ansassaliKi'!” Kammayatompa ana'-ana' gurunNa maraenga akkana kamma ngaseng tommi.

MATIUS 26:35 Referans Kwoze

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

YOHANES 13:37

Akkuta'nammi pole Petrus nakana, “Angngapa nakutakkullea amminawang kamma-kamma anne Batara? Kurellakangi kalengku mate untu' iKatte Batara!”

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

1 KORINTUS 10:12

Inai-nai nakana kalenna kassa' ri pammentenganna, parallui tutu, sollanna tena natu'guru'.

PANGNGEBARANG 29:23

Tau tampoa lanipakatunai; tau tuna pa'maika lanipuji.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

KALAPPASSANG 19:8

Appada-pada ngasemmi ke'nanga appiali angkana, “Sadiai ikambe untu' anggaukangi sikontu kananNa Batara.” Anjo pappialinna ke'nanga napabattui Musa mae ri Batara. Nampa Nakanamo Batara ri Musa, “LabattuA' mae ri kau nikalimbuki ri rammang kapalaka; lanalangngereki taua punna a'bicarA' mae ri kau, nappakkaramula anjo wattua tuli latappa'mi ke'nanga mae ri kau.

MATIUS 10:33

Mingka inai-nai ansassaliA' ri dallekanna tau jaia angkanaya amminawangi ri Nakke, laKusassali tongi sallang ri dallekanNa ManggeKu ri suruga.”