MATIUS 26:25 - KITTA' MATANGKASA'

²⁵ Nakanamo Yudas lapung tau la'baluka, “O, Guru, tantu teaiji nakke nataba kananTa?” Nakanamo Isa, “Kamma mintu kanannu!”

MATIUS 26:25 Referans Kwoze

MATIUS 26:64

Appialimi Isa Nakana, “Annaba mintu kanannu. Mingka patappa'mi angkanaya: Anne kamma appakkaramulami lanucini' Ana' Ma'rupataua ammempo ri sa'ri kananNa Allata'ala Kaminang Koasaya. Siagang lanucini' tommi sallang battu poleang irate ri langika ri tompo'na rammanga!”

MATIUS 27:11

Ri wattunna andallekang Isa ri Pilatus, guburnurna anjo pa'rasanganga, akkuta'nammi Pilatus nakana, “Maka karaennaKo tu Yahudia?” Appialimi Isa Nakana, “Kammaminjo nukanaya.”

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

LUKAS 22:70

Nakana ngasemmo ke'nanga, “Jari punna kamma Ana'NaKo Allata'ala?” Appialimi Isa Nakana, “Kammaminjo kanannu ngaseng.”

MATIUS 26:49

Battuna mange anjoreng ke'nanga, mange memammi Yudas ri Isa na nakana, “Salama', Guru!” Nampa nabau Isa.

MATIUS 23:7

Nangai ke'nanga punna nipakala'biri' ri pasa'-pasaraka, siagang sannang sikali punna nikio' ‘Bapa' Guru’ ri taua.

PANGNGEBARANG 30:20

Iaminne akkala'na se'rea baine a'bali' ballanga ri bura'nenna: Le'ba'na a'gau' sala, angnganremi nampa nalu'lu' bawana, nampa nakana, “Tena apa-apa kugaukang!”

2 KARAENG-KARAENG 5:25

nampa antama' ammotere' ri balla'. Akkuta'nammi Elisa angkana, “Battu kemaeko?” Appialimi angkana, “Tena kubattu kemae-kemae Bapa'!”

MATIUS 23:8

Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

MATIUS 26:14

Nia'mo kalase'renna anjo sampuloa anrua ana' gurunNa Isa, iamintu Yudas Iskariot, a'lampa mae ri imang-imang kapalaya.

YOHANES 4:31

Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”