MATIUS 26:2 - KITTA' MATANGKASA'

² “Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MATIUS 26:2 Referans Kwoze

YOHANES 18:2

Naassengi Yudas (ampasikongkolangai Isa) anjo tampaka; nasaba' biasami a'rappungang Isa siagang ana'-ana' gurunNa anjoreng.

YOHANES 11:55

Anjo wattua a'birimmi narapi' allo passua'-suarranna Allo Lompo Paskana tu Yahudia. Jaimi tau battu ri desa-desaya a'lampa mange ri Yerusalem ero' anggaukang pannangkasi kalea, ri tenanapa narapiki anjo allo passua'-suarranga.

MATIUS 17:22

Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.

YOHANES 12:1

Ri annangallonapi nanarapiki Allo Lompona Paskaya, a'lampami Isa mange ri Betania. Anjorengi ammantang Lazarus, anjo le'baka Napattallasa' poleang Isa battu ri kamateanna.

YOHANES 2:13

Ri wattunna a'birimmo Allo Lompo Paskana tu Yahudia, a'lampami Isa mange ri kota Yerusalem.

LUKAS 22:15

Nampa Nakana ri ana'-ana' gurunNa, “Ero' duduA' angnganre kanre Paska siagang ikau ngaseng ri tenanapa Kupisa'ringi passessaya!

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

MATIUS 10:4

na kala'busanna iamintu Simon nigallaraka Patriot, siagang Yudas Iskariot ambalukangai Isa.

YOHANES 18:32

Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)