MATIUS 25:5 - KITTA' MATANGKASA'

⁵ Na talintaka battu anjo bunting bura'nea. Jari appakkaramulami ta'do'do' ngaseng anjo tuloloa, sa'genna attinro.

MATIUS 25:5 Referans Kwoze

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

LUKAS 20:9

Nacaritami Isa mae ri taua anne pangngebarang angkanaya, “Nia' sitau allamungi anggoro' kokonna. Napappitesangangi anjo kokonna mae ri siapa are pajama koko. Nampa a'lampa mange ri pa'rasangang maraeng, nammantang sallo anjoreng.

MATIUS 24:48

Mingka punna kodi sipa' anjo palayanga, lanakanamo lalang ri nyawana,

LUKAS 12:45

Mingka punna nakana lalang ri pa'mai'na anjo palayanga, ‘Salloinji nampa ammotere' karaengku,’ nampa appakkaramulamo naba'ji ngaseng palayanga siagang angnganre-nganremi nangnginunga tojeng sa'genna nasa'ring.

MATIUS 25:19

Sallo sikali le'ba'namo anjo, ammotere'mi anjo karaenga. Nappakkaramulamo assirekengang siagang ke'nanga.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

LUKAS 18:8

Patappa'mi angkanaya: Lalintaki Nasare ammeta ke'nanga! Mingka punna battu Ana' Ma'rupataua, maka lania'ja tau tappa' nabuntulu' lalang ri anne linoa?”

MATIUS 26:43

Le'baki anjo ammotere'mi pole, nanarapikang pole ana'-ana' gurunNa attinro, lanri ta'do'do' duduna ke'nanga.

MATIUS 26:40

Le'baki anjo, ammotere'mi mae ri ana'-ana' gurunNa tallua. Mingka narapikangi attinro ke'nanga. Nakanamo ri Petrus, “Maka takkulleako angngagangA' a'jaga manna sinampe'ja?

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

KELONG MALA'BIRI' 3:1

Bangngi-bangngina, ri katinroangku, kuboya tanringku lalang so'na; kuboyai, mingka sia-siaji bawang.

PAPPICINI' 2:25

Mingka ri sa'gengKu battu sallang, paralluko tuli angkatutui apa niakamo ri kau.

MATIUS 25:4

Anjo tulolo cara'deka, angngerangi sulo nangngerang todong minynya' tana pappasadia.

MATIUS 25:6

Ri lantannamo bangngia, nampami nia' sa'ra akkio' angkana, ‘Nia' minjo mae bunting bura'nea! Umba niruppai!’

LUKAS 1:21

Anjo wattua, nitayammi passulu'na Zakharia ri taua. Lannasaki ke'nanga, apa saba'na nasallo kamma Zakharia lalang ri Balla'Na Batara.

KELONG MALA'BIRI' 5:3

Le'ba'mi kula'gasa' bajungku; apaka kupake poleangi? Le'ba'mi kubissai bangkengku, apaka lakura'massi poleangi?