MATIUS 25:33 - KITTA' MATANGKASA'

³³ Sikamma tau le'baka anggaukangi ero'Na Allata'ala laNapa'rappungangi ri sa'ri kananNa, na maraenganga ri sa'ri kairinNa.

MATIUS 25:33 Referans Kwoze

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 45:9

Pakeannu mabau' a'rasa muru', gaharu siagang cendana; nipakarannuko ri pakarena musika ri balla' lompo gadinga.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

EFESUS 1:20

le'baka Napake ampattallasa' poleangi ammotere' Almasi battu ri kamateanga; nampa Nasare empoang kaminang tinggia ri sa'rinNa Allata'ala ri suruga.

MARKUS 16:19

Le'baki a'bicara Isa siagang ke'nanga, ta'angka'mi Isa nai' ri suruga. Anjorengi ammarenta siagang Allata'ala.

PAMMUJI 95:7

Saba' Iami Allata'alata, ikatte umma' niparakaiNa, sanrapang gimbala' Nakalawakia. Anne alloa pilangngerimi sa'ranNa angkana:

PAMMUJI 79:13

Nampa ikambe ummatTa, gimbala' Kikalawakia, lappala' sukkuruki mae ri Katte sa'genna satunggu-tungguna, siagang mammuji mae ri Katte lalang sikontu turungang.

1 KARAENG-KARAENG 2:19

Jari a'lampami Batsyeba mange ri karaenga untu' ambicarakangi anjo passalaka untu' Adonia. Ammentemmi karaenga anruppai amma'na siagang assu'ju' mae ri ia. Nampa ammempo pole irate ri empoang kakaraenganna. Nampa nasuro taua appasadia kadera ri sa'ri kananna untu' amma'na.

KATO'BA 10:2

Siratangi punna tau cara'deka anggaukangi kabajikanga, siagang tau toloa anggaukangi kaja'dallanga.