MATIUS 25:15 - KITTA' MATANGKASA'

¹⁵ Massing nasaremi anjo palayanna situru' massing pakkullena. Anjo se'rea nasarei limassa'bu doe' ringgi' bulaeng. Maka ruaya nasarei ruassa'bu doe' ringgi' bulaeng. Na makatallua nasarei sisa'bu doe' ringgi' bulaeng. Le'baki anjo a'lampami.

MATIUS 25:15 Referans Kwoze

MATIUS 18:24

Wattunna appakkaramula ammaressa, nia'mo sitau atanna nierang mange ri dallekanna, a'juta-jutaya inranna.

LUKAS 12:48

Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

MATIUS 21:33

Nakanamo pole Isa, “Pilangngerimi pole anne se'rea pangngebarang. Nia' se're tau ero' allamungi kokonna anggoro'. Napangngalakkimi attammulili kokonna. Nampa appare' kali'bong eroka napake ammacco' je'ne' anggoro'. Appare' tommi balla'-balla' jaga tinggia. Le'baki anjo napappitesangammi anjo koko anggoro'na mae ri siapa are pajama koko. Nampa a'lampa ri se'reang pa'rasangang maraeng.

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.