MATIUS 24:48 - KITTA' MATANGKASA'

⁴⁸ Mingka punna kodi sipa' anjo palayanga, lanakanamo lalang ri nyawana,

MATIUS 24:48 Referans Kwoze

MATIUS 18:32

Nisuro kio'mi ri karaenga anjo ata kodi sipaka na nakana karaenga ri ia, ‘E kau ata kodi sipaka! Kubilang lappasa' ngasemmi inrannu lanri appala' tulungko ri nakke.

LUKAS 12:45

Mingka punna nakana lalang ri pa'mai'na anjo palayanga, ‘Salloinji nampa ammotere' karaengku,’ nampa appakkaramulamo naba'ji ngaseng palayanga siagang angnganre-nganremi nangnginunga tojeng sa'genna nasa'ring.

YESAYA 32:6

Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

MARKUS 7:21

Nasaba' battu lalammi, iamintu battu lalang ri nyawana, ammumba ngaseng pikkirang-pikkirang kodia nakkulle taua a'gau' sala, a'lukka', ammuno,

PAOLE 9:4

Punna le'baki Karaeng Allata'alanu ambongkai ke'nanga untu' ikau, teako sala pahangngi angkanaya Naerangko mange anjoreng untu' ampatangi anjo buttaya lanri baji'nu siagang nugaukanna ero'Na Karaeng Allata'alanu, sa'gennu siratang antarimai anjo buttaya. Tena sikali nakamma anjo! Nabongkai Batara anjo bansa-bansaya untu' ikau lanri ja'dala'na ke'nanga. Nalappassangko Batara angngallei buttana ke'nanga, lanri ero'Na anrupai janjinNa mae ri boe-boenu iamintu Abraham, Ishak siagang Yakub.

LAMPA-LAMPANA 8:22

Lanri kammana, bokoimi anjo pikkirang ja'dala'nu, nampa nupala' ri Batara sollanna Napammopporangi anjo pikkirang ja'dala'nu.

LUKAS 19:22

Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

YEHEZKIEL 12:27

“He tau, napaui tu Israel angkanaya anjo paccini'nu siagang nubotoa sallo duduiji sallang nampa la'rupa.

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

2 KARAENG-KARAENG 5:26

Mingka nakanamo Elisa, “Niaki anjoreng nyawaku ri wattunna naung Naaman battu ri karetana untu' ambuntuliko. Anne teai wattunna untu' anggappa doe' siagang ammalli koko zaitun, koko anggoro', gimbala', sapi siagang ata-ata.

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

MATIUS 24:47

Patappa'mi angkanaya lanapappirannuang ngasengi apa-apanna anjo karaenga mae ri anjo palayanga.

MATIUS 24:49

‘Lasallo iji nampa ammotere' karaenga,’ naallemi naba'ji palayang-palayang maraenga. Nampa angnganre siagang angnginung-nginung siagang tu nangaia angnginung sa'genna nasa'ring.