MATIUS 24:44 - KITTA' MATANGKASA'

⁴⁴ Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

MATIUS 24:44 Referans Kwoze

MATIUS 25:10

A'lampami anjo tulolo toloa mange ammalli minynya' tana ri ga'dea. Lalang a'lampana ke'nanga, battumi bunting bura'nea. Antama'mi anjo tulolo cara'deka anrurungangi anjo bunting bura'nea ri tampa' passua'-suarranga, nampa nitongko' pakke'buka!

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

MATIUS 24:42

Jari a'jaga-jagako, nasaba' tena nuassengi ringngapanna nalabattu Bataranu.

LUKAS 12:40

Jari, musti a'jaga-jaga ngasengko, nasaba' tena nalanusanna-sanna Nabattu Ana' Ma'rupataua.”

FILIPI 4:5

Parallui nacini' ngaseng taua sipa'-sipa' baji'nu ri katallassannu. Nasaba' tasalloami Nalabattu Batara.

MATIUS 24:27

Nasaba' kabattuanNa sallang Ana' Ma'rupataua sanrapangi caya kila' tassioroka battu raya sa'genna kalau'.

PAPPICINI' 19:7

Maeko kima'rannu-rannu siagang assannang-sannang; maeko nanipuji kalompoanNa! Nasaba' narapi'mi allo pa'buntinganNa anjo Ana' Gimbalaka, siagang sadiami balinNa untu' lanipa'bunting.

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

MATIUS 24:43

U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

LUKAS 12:39

U'rangi anne! Ka'de' naasseng patanna balla' angkanaya tette' siapa nalabattu palukkaka, tantu lanajagaiji sollanna tena nantama' anjo palukkaka ri balla'na.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”