MATIUS 24:42 - KITTA' MATANGKASA'

⁴² Jari a'jaga-jagako, nasaba' tena nuassengi ringngapanna nalabattu Bataranu.

MATIUS 24:42 Referans Kwoze

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

1 TESALONIKA 5:6

Lanri kammana, takkulleaki' attinro sangkamma tau maraenga. Paralluki' a'jaga-jaga siagang parallui singara' pikkiranta.

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

MATIUS 24:36

“Tena tau angngassengi ringngapanna allonna siagang tette'na; manna malaekaka ri suruga tena todong; kammayatompa manna Ana'Na Allata'ala tena todong Naassengi. Passangalinna Manggea bawang angngassengi.

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

MATIUS 24:43

U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

MATIUS 25:10

A'lampami anjo tulolo toloa mange ammalli minynya' tana ri ga'dea. Lalang a'lampana ke'nanga, battumi bunting bura'nea. Antama'mi anjo tulolo cara'deka anrurungangi anjo bunting bura'nea ri tampa' passua'-suarranga, nampa nitongko' pakke'buka!

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.