MATIUS 23:16 - KITTA' MATANGKASA'

¹⁶ Cilaka ngaseng mako ikau pamimping-pamimping butaya! Nuajari taua angkana, ‘Punna assumpa taua na Balla'Na Batara nipau, tenaja naparallu niu'rangi anjo sumpaya; mingka punna assumpai lanri bulaeng lalang ri Balla'Na Batara musti niu'rangi anjo sumpaya.’

MATIUS 23:16 Referans Kwoze

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

MATIUS 23:17

Ikau ngaseng tu toloa siagang tu butaya! Kereanga paralluangang: bulaenga yareka Balla'Na Batara ampa'jariai matangkasa' anjo bulaenga?

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

MATIUS 23:26

E, tu Farisi butaya! Bissaimi sa'genna tangkasa' ilalanganna anjo mangko'-mangko'nu siagang piring-pirinnu, sollanna tangkasa' ngaseng todong pantaranganna!

MATIUS 23:19

Teai sipato' butanu ngaseng! Kereanga paralluangang? Koro'banga, yareka tampa' koro'banga ampa'jariai matangkasa' anjo koro'banga?

GALATIA 5:3

Sikalipi pole kupakainga' tau assuro sunnakai kalenna, angkanaya musti nagaukang ngasengi anjo sikontu apa-apa napassuroanga hukkung-hukkung agamaya!

YESAYA 9:16

Anjo bansaya a'bokomi siagang panra'mi; yangasenna ke'nanga a'bicara sala mami. Lanri kammana anjo tena manna sitau tau rungka Nipata'lappasa' ri Batara. Tena Nakamaseangi sikamma jandaya siagang ana'-ana' kukanga. Mingka tuli larroNa ija siagang tuli Nahukkunna ija Batara ke'nanga.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [