MATIUS 23:11 - KITTA' MATANGKASA'

¹¹ Inai kaminang la'biri' ri kau parallui a'jari palayang.

MATIUS 23:11 Referans Kwoze

1 KORINTUS 9:19

Inakke anne tena manna sitau ampare' ata'; inakke tau bebasakka'. Mingka manna nakamma, kupa'jari atami kalengku mae ri tau jaia. Naiaji kuappakamma anjo sollanna pila' jai tau akkulle kuerang mae ri Almasi.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

MATIUS 23:10

Natea tongko eroki nikio' ‘Pamimping’, nasaba' se'reji pamimpinnu, iamintu Karaeng Mappasalamaka, Napa'janjianga Allata'ala.

MARKUS 9:35

Ammempomi Isa nampa Nakio' anjo sampuloa anrua ana' gurunNa. Nakanamo ri ke'nanga, “Inai-nai ero' a'jari lomoro' se're, musti napa'jari tu ri bokoi kalenna siagang a'jari palayangi ri sikontu taua.”