MATIUS 22:35 - KITTA' MATANGKASA'

³⁵ Nia'mo kalase'renna ke'nanga iamintu sitau guru agama, ero' ancoba-coba ampa'boyangi sala Isa. Nakuta'nammi Isa nakana,

MATIUS 22:35 Referans Kwoze

LUKAS 7:30

Mingka taerokai tu Farisia siagang guru-guru agamaya antarimai rancanaNa Allata'ala eroka ampasalamaki ke'nanga. Taerokai ke'nanga nije'ne' ri Yohanes.

LUKAS 14:3

Akkuta'nammi Isa ri guru-guru agamaya siagang tu Farisi niaka anjoreng Nakana, “Manuru' atorang agamata, maka akkullejaki' amballei tau garringa ri allo Pammari-marianga?”

LUKAS 11:52

Cilaka ngaseng mako ikau guru-guru agamaya. Nasaba' niaki ri kau niboli' koncina pangngissenganga. Mingka kalennu tonji taeroka antama' amboyai anjo pangngissenganga. Ba'lalo, ikau ngasemmi anrompa-rompai sikamma tau eroka antama'!”

TITUS 3:13

Attojeng-tojengko usaha untu' ambantui Zenas, anjo tu cara'deka ri pangngassengang hukkung-hukkunga, siagang Apolos; sollanna tena kakuranganna punna a'lampa ke'nanga.

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

MARKUS 10:2

Nia'mo siapa are tu Farisi battu todong ero' ampa'boyangi kasalang Isa. Akkuta'nammi ke'nanga angkana, “Manuru' atoranga ri agamata, maka akkulleji taua antallaki bainenna?”

MATIUS 22:36

“O Pa' Guru, kereanga parenta lomoro' se'rea lalang ri atorang agamaya?”

YOHANES 8:6

Nakkuta'nang kamma ke'nanga, lanri eroki ke'nanga ampa'boyangi kasalang Isa sollanna akkulle ke'nanga assalakangi Isa. Mingka a'dunduji Isa, annulisi' siagang karemenNa naung ri buttaya.