MATIUS 22:31 - KITTA' MATANGKASA'

³¹ Apa tale'bakapi nubaca lalang ri Kittaka apa le'baka Napau Allata'ala ri passala'na tau mate nipattallasa' poleanga? Nakana Allata'ala,

MATIUS 22:31 Referans Kwoze

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

MATIUS 12:3

Appialimi Isa Nakana, “Tena le'bakapi nubaca lalang ri Kittaka, apa nagaukanga Karaeng Daud siagang taunna ri wattunna cipuru'?

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MATIUS 12:7

Nia' tattulisi' lalang ri Kittaka angkanaya: Ia Kukaerokia iamintu pangngamaseang, teai koro'bang olo'-olo'. Ebara' nupahang baji'-baji' anjo bicaraya mattantu tena nupasalai tau tenaya salana.

MATIUS 9:13

Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”

MATIUS 22:30

Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

MATIUS 22:32

‘INakkemi Allata'alana Abraham, Allata'alana Ishak, siagang Allata'alana Yakub.’ Anjo Allata'ala, teai Allata'alana tau matea; mingka Allata'alana tau attallasaka!”