MATIUS 22:22 - KITTA' MATANGKASA'

²² Nalangngere'na ke'nanga pappialinna Isa, a'jari lannasa' sikalimi ke'nanga. A'lampami ke'nanga ambokoi Isa.

MATIUS 22:22 Referans Kwoze

MARKUS 12:12

Nalangngere'na pamimping-pamimpinna tu Yahudia anjo pangngebaranga naassemmi angkanaya kalenna ke'nanga nataba anjo pangngebaranga. Jari usahami ke'nanga ero' ambunoi Isa. Mingka mallaki ke'nanga ri tau jaia. Jari a'lampami ke'nanga ambokoi Isa.

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

LAMPA-LAMPANA 6:10

Mingka tanakulleai ke'nanga ampitompoki anjo kana napaua Stefanus, nasaba' le'ba'mi nisare Stefanus kacara'dekang ri RohNa Allata'ala, untu' a'bicara.

MATIUS 22:46

Manna sitau tenamo akkulle appiali ri Isa. Na appakkaramula anjo alloa tenamo manna sitau barani akkuta'nang apa-apa mamo ri Isa.

MATIUS 22:33

Nalangngere'na tau jaia akkana kamma Isa, lannasa' ngasemmi ke'nanga ri pangngajaranNa.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!