MATIUS 22:21 - KITTA' MATANGKASA'

²¹ Appialimi ke'nanga angkana, “Karaenga pata gambara' siagang areng.” Nakanamo Isa ri ke'nanga, “Jari punna kamma, sareammi Karaenga apa napatanga Karaenga; nanusareang Allata'ala apa Napatanga Allata'ala.”

MATIUS 22:21 Referans Kwoze

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

PANGNGEBARANG 24:21

Ana', mallakko ri Batara, siagang pakalompoi karaenga. Teako katuru'-turukangi mae ri tau angngewayai ke'nanga.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

LAMPA-LAMPANA 5:29

Appialimi Petrus siagang agang-aganna, angkana, “Musti ero'Na Allata'ala naturuki ikambe, teai ero'na rupataua.

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 22:20

Akkuta'nammi Isa ri ke'nanga Nakana, “Inai pata gambara' siagang areng anne lalang ri doeka?”

MARKUS 12:17

Nakanamo Isa, “Punna kamma, sareangi Karaenga apa-apanna Karaenga, siagang sareangi Allata'ala apa-apanNa Allata'ala.” Lannasa'mi ke'nanga allangngereki anjo pappialinNa Isa.

LUKAS 20:25

Nakanamo Isa ri ke'nanga, “Punna kamma, sareangi Karaenga apa napatanga Karaenga, siagang sareangi Allata'ala apa Napatanga Allata'ala.”