MATIUS 22:17 - KITTA' MATANGKASA'

¹⁷ Lanri kammana, Kipausai bedeng: Manuru' atoranna agamata, maka siratangki' a'bayara' sima ri Karaenga yareka tena?”

MATIUS 22:17 Referans Kwoze

LUKAS 2:1

Anjo wattua Karaeng Agustus ammarenta ri pa'rasangang Roma. Sitabangi nisuro bilang ngaseng sikontu tuma'buttaya niaka lalang parentana.

MATIUS 17:25

Appialimi Petrus nakana, “A'bayaraki.” Ri wattunna ammotere' Petrus, nikuta'nammi ri Isa angkana, “O Simon, antekamma panggappanu? Inai musti a'bayara' sussung yareka sima, mae ri pammarentana anne linoa? Ra'yaka yareka tu battu pantarang pa'rasangang?”

LAMPA-LAMPANA 28:22

Mingka ero' tonjaki' anne allangngereki anjo apa nupatappaka, nasaba' nalangngere'mi ikambe antekamma batena nicalla anjo ajarang nupatappaka.”

LAMPA-LAMPANA 25:8

Ri wattunna napakasingara' kalenna Paulus nakanamo, “Tena sikali apa-apa sala le'ba' kugaukang mae ri sikamma apa-apa le'baka Napassuroang Allata'ala, situru' le'baka napabattu Musa. Tena todong panggaukang sala le'ba' kugaukang mae ri Balla'Na Batara, yareka mae ri Karaenga ri Roma.”

LAMPA-LAMPANA 17:7

na natarimamo Yason anjo ke'nanga ri balla'na. Nadakkaimi ke'nanga apa-apa le'baka napattantu Karaenga ri Roma, lanri nakanana ke'nanga nia' ija karaeng maraeng niarenga Isa.”

LAMPA-LAMPANA 5:37

Le'baki anjo, ri wattunna nisuro bilang ngaseng tuma'buttaya, nia'mo pole tau niareng Yudas, iamintu tau battu ri Galilea. Nasaba' lompona pangaruna, jai tommi tau amminawang ri ia. Mingka mate nibuno tommi, siagang tassia'-siara' ngasemmi tau amminawanga ri ia.

LUKAS 3:1

Ri taung makasampuloa allima ammarenta Karaeng Tiberius, Pontius Pilatus a'jari guburnur ri Yudea; na Herodes ammarenta ri Galilea; na Filipus, sari'battanna Herodes, ammarenta ri Iturea siagang Trakhonitis; na Lisanias ammarenta ri Abilene.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

NEHEMIA 5:4

Siagang nia'mo pole angkana, “Le'baki ikambe angnginrang doe' untu' nipa'bayarrang ri sima napattantua karaenga untu' kokonna siagang koko anggoro'na ikambe.

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

EZRA 4:13

Punna akkulle nabangung ammotere' anjo kotaya siagang le'ba' nabangung tembo'-tembo' kalli'na, talaerokami pandudu'na a'bayara' paja', sa'genna kurammo panggappanna kakaraenganga.

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

LUKAS 20:22

Jari Kipau sabeki ri kambe, angkanaya, maka akkullei taua a'bayara' sima mae ri karaenga yareka tena, situru' atoranna agamata?”