MATIUS 21:4 - KITTA' MATANGKASA'

⁴ Lanri kammana a'rupami apa le'baka napau na'bia angkanaya,

MATIUS 21:4 Referans Kwoze

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

YOHANES 12:15

“Teako mallakki, tulolonna Sion! Ciniki Karaennu battu, a'dongko' ri sikayu keledai!”

MATIUS 1:22

Nakajariang ngasemmo anjo sikammaya sollanna a'rupamo apa le'baka napabattu na'bi Nasuroa Batara, angkanaya,

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MATIUS 21:3

Punna nia' angkuta'nangko, pauammi patanna angkana, ‘Naparalluangi Batara,’ napassareang mintu nuerang anjo keledaia.”

MARKUS 11:7

Ri wattunna battumo ke'nanga mae ri Isa nalapakkimi jubana ke'nanga dongko'na anjo keledai. Le'baki anjo nai'mi Isa a'bae.

LUKAS 19:35

Nampa naerang ke'nanga anjo keledai rungkaya mange ri Isa. Nalapakkimi ke'nanga juba dongko'na anjo keledaia, nampa nabantu Isa nai' a'dongko'.

YOHANES 12:12

Ammukona bari'basa' nalangngere'mi tau jaia battu ero' ansua'-suarri allo Paskaya, angkanaya nia'mi Isa ri aganga ero' mange ri Yerusalem.