MATIUS 20:6 - KITTA' MATANGKASA'

⁶ Nakira-kira ri tette' limana ri karuenga a'lampami pole. Nanacini'mo pole nia' ija tau tenaya jama-jamanna. Akkuta'nammi anjo patanna koko ri ke'nanga angkana, ‘Angngapa nummantang ngaseng anrinni ammenteng sila'busu' allo tena apa-apa nugaukang?’

MATIUS 20:6 Referans Kwoze

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.

LAMPA-LAMPANA 17:21

Nasaba' anjo tau niaka ri Atena siagang sikamma tau niaka battu anjoreng, nangai ke'nanga ampakei wattu-wattu tanjamana a'rappungang ampilangngeri siagang ambicarai passala' apa-apa beru nalangngereka ke'nanga.)

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

MATIUS 20:5

A'lampami ke'nanga mange anjama. Kammaminjo pole nakkio'moseng tau anjama ri wattunna a'lampa ri tette' sampulona anrua ri tangngana alloa siagang ri tette' talluna ri karuenga.

MATIUS 20:7

Appialimi ke'nanga angkana, ‘Katena tau ampajamaki'.’ Nakanamo anjo patanna koko, ‘Punna kamma padeng, mange ngaseng mako anjama ri koko anggorokku.’

MATIUS 20:9

Battumi anjo pajama tette' limaya ri karuenga nappakkaramula anjama. Massing nibayara'mi tasse'renna doe' pera'.