MATIUS 20:27 - KITTA' MATANGKASA'

²⁷ Na inai-nai ero' a'jari tau ri dallekang dudu, parallui a'jari ata.

MATIUS 20:27 Referans Kwoze

LUKAS 22:26

Mingka ikau ngaseng, takkulleako kamma anjo. Passangalinna, inai-nai ero' kaminang nipakala'biri' ri kau musti napa'jari kalenna kaminang tuna. Siagang inai-nai la'jari pamimping, musti a'jari sangkammai palayang.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

MATIUS 18:4

Inai-nai ampakatunai kalenna a'jari sanrapang anne anaka, iami la'jari kaminang malompo ri tangnga-tangngana umma'Na Allata'ala.

ROMA 1:14

Nasaba' nia' tugasakku mae ri sikontu bansaya: ia angngassengamo atorang yareka tenapa nangngasseng atorang, ia niaka sikolana yareka tenayapa sikolana.

2 KORINTUS 12:15

Lanri kammana, rellami nyawaku ero' angkoro'bangkangi sikontu katallassangku untu' ikau ngaseng. Ba'lalo manna sa'genna batangkalengku rella tonja' angkoro'bangkangi untu' ikau. Punna kamma anjo batenu kukarimangngi, maka siratangi punna kurang nukarimangngia'?

2 KORINTUS 11:5

Tena sikali nakurapang kalengku la'bi tunaangngang na anjo sikamma anjo “tunisuro” nukanaya sannaka heba'na!

MATIUS 20:26

Mingka ikau takkulleako appakamma anjo. Passangalinna inai-nai ero' a'jari tau lompo parallui a'jari palayang.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”