MATIUS 20:22 - KITTA' MATANGKASA'

²² Nakanamo Isa ri ke'nanga, “Tanupahangai antu apa nupalaka. Maka akkullejako lampisa'ringi todongi passessa laKupisa'ringia?” Appialimi ke'nanga angkana, “Iye', akkulleja'.”

MATIUS 20:22 Referans Kwoze

LUKAS 22:42

Battui mange anjoreng, akkulantu'mi nampa appala' doang Nakana, “O Bapa', punna akkulleja, Kipakabellai anne passessa musti Kukasiaka. Mingka teaKi' naerokKu anjari, passangalinna erotTamo bawang anjari.” [

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

MARKUS 14:36

Nakana, “Bapa', o Bapa', tena tamakkulle a'jari punna Kierokang. Kipakabellami anne passessaya battu ri Nakke. Mingka teaKi' erokKu Kituruki, passangalinna erotTamo Kipa'jari.”

MATIUS 26:39

A'lampa bella-bellami Isa sike'de' mange ri dallekang, nampa su'ju' naung ri buttaya appala' doang angkana, “O, ManggeKu, ka'de' nia' kulleanna, pabellami anne passessaya ri Nakke. Mingka teaKi' naerokKu anjari, passangalinna erotTamo anjari.”

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

YESAYA 51:22

Kammaminne kananNa Bataranu, Karaeng Allata'alanu angngalleangako, “Ia passessa Kupabattua mae ri kau lalang larroKu, laKuallei ammotere' battu ri kau. Lanaungi larroKu, siagang tea' mako tanggongi pole.

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

LUKAS 12:50

Nia' ija kasessang sannaka lompona laKukasia'. Nasanna' lussa'na atingKu punna takajariangapa.

YEREMIA 49:12

Manna tau tenaya siratang nihukkung nataba ngaseng todong hukkungang, angngapa naikau tena? Ma'nassa ikau lanihukkung tongko!

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PAMMUJI 75:3

Nakana Allata'ala, “Ri wattu le'bakamo Kupattantu, laKuadeli taua siagang adele'.

MATIUS 26:35

Appialimi Petrus nakana, “Manna pole lasikamateangki', mingka tena sikali nakuero' ansassaliKi'!” Kammayatompa ana'-ana' gurunNa maraenga akkana kamma ngaseng tommi.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.