MATIUS 19:26 - KITTA' MATANGKASA'

²⁶ Nicinikimi ke'nanga ri Isa; nampa Nakana Isa ri ke'nanga, “Anjo tena memang nantama' ri akkala'na rupataua. Mingka tena tamakkulle punna Nakaerokang Allata'ala.”

MATIUS 19:26 Referans Kwoze

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

LUKAS 18:27

Appialimi Isa Nakana, “Apa tenaya nantama' ri akkala'na rupataua, tena tama'jari punna Naerokang Allata'ala!”

MARKUS 10:27

Nacinikimi Isa ke'nanga nampa appiali Nakana, “Untu' rupataua tena nantama' ri akkala'; mingka untu' Allata'ala tena takkulle anjari.”

YEREMIA 32:17

“O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”

ZAKHARIA 8:6

Anjo passalaka nakulle tena nantama' ri akkala'na ri sikamma tau attallasaka ija battu ri anne bansaya, mingka untu' iNakke teai apa tantama' ri akkala'.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

MATIUS 19:25

Lannasa' ngasemmi ana'-ana' gurunNa Isa nalangngere'na akkana kamma Isa. Nakanamo ke'nanga, “Punna paleng kamma, jari inai mami akkulle salama'?”

MATIUS 19:27

Nakanamo Petrus, “Kicini' minne, ikambe nibokoi ngasemmi sikamma apa niaka ri kambe lanri erotta amminawang ri Katte. Na apa sallang lanagappa ikambe?”

IBRANI 6:6

Mingka le'baki anjo, ammono'bokomi ke'nanga! Antekamma batena laniulu toba' poleang ke'nanga battu ri dosa-dosana? Nasaba' nasalli' poleammi ke'nanga Ana'Na Allata'ala nanihina-hina ri dallekanna tau jaia.

1 KARAENG-KARAENG 17:16

Siagang sangkamma apa le'bakamo Napau Karaeng Allata'ala tete ri Na'bi Elia, anjo mangkoka tuli nia'na labu' bonena, siagang anjo pole botoloka tuli nia'na minynya' bonena.