MATIUS 19:23 - KITTA' MATANGKASA'

²³ Nakanamo Isa ri ana'-ana' gurunNa, “Kukanamo ri kau ngaseng, teai sipato' susana tau kalumanynyanga la'jari umma'Na Allata'ala.

MATIUS 19:23 Referans Kwoze

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MARKUS 10:23

Nacinikimi Isa ana'-ana' gurunNa, nampa Nakana ri ke'nanga, “Sukkara' sikali tau kalumanynyanga la'jari umma'Na Allata'ala!”

LUKAS 18:24

Naassengi Isa angkanaya si'nai pa'mai'na anjo taua. Jari Nakanamo Isa, “Teai sipato' sukkara'na tu kalumanynyanga la'jari umma'Na Allata'ala!

1 KORINTUS 1:26

Sikamma sari'battangku! Cobasai u'rangi antekamma katallassannu ri wattunnu Nakio' Allata'ala. Sike'de' duduji ri kau tau pore, yareka tau koasa, yareka tau tinggia empoanna ri paccini'na rupataua.

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

PANGNGEBARANG 11:28

Inai ampattoangi barang-baranna, larunangi sanrapang leko' toa; tau bajika la'bakkaki sanrapang cu'la' loloa.

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

MATIUS 18:3

Nampa Nakana Isa, “Patappaki anne kanangKu! Punna a'jari kammako anne ana'-anaka, nampa mako akkulle a'jari umma'Na Allata'ala.

MATIUS 5:20

Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

MATIUS 21:31

Jari kamma-kamma anne antekamma panggappanu? Kereanga anjo ana' ruaya anggaukangi napassuroanga manggena?” Appialimi imang-imang kapalaya siagang pamimping-pamimpinna tu Yahudia angkana, “Anjo ana'na toaya.” Jari Nakanamo pole Isa ri ke'nanga, “Patappa'mi angkanaya: Rioloangangi sallang parentea siagang bai'-baine ja'dalaka a'jari umma'Na Allata'ala kala ikau ngaseng.

MATIUS 19:22

Nalangngere'na akkana kamma Isa, a'lampami anjo tau rungkaya; si'na sikali atinna nasaba' akkalumanynyang sikali.