MATIUS 17:24 - KITTA' MATANGKASA'

²⁴ Ri wattunna battu Isa siagang ana'-ana' gurunNa mange ri Kapernaum, battumi pasingara' simaya ri Balla'Na Batara ri Petrus angkana, “A'bayara' tonji sima gurunnu yareka tena?”

MATIUS 17:24 Referans Kwoze

KALAPPASSANG 38:26

Anjo jaina sangkammai jaina siagang apa nabayaraka sikontu tau le'baka nitulisi' arenna ri wattunna nigaukang anjo pammilangnganga. Tunggala' taua a'bayaraki situru' anggarang le'baka nipattantu, nitimbanga situru' timbangang niaka nipake anjo wattua. Ri wattunna nibilang taua nia' 603.550 jaina tu bura'ne umuru' ruampulo taunga na rateanna.

KALAPPASSANG 30:13

Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

MARKUS 9:33

Battumi ke'nanga mange ri Kapernaum. Ri wattunna nia'mo ri balla', akkuta'nammi Isa ri ana'-ana' gurunNa Nakana, “Apa nupa'geakkang sumpaeng ri aganga?”

NEHEMIA 10:32

Taung-taungi ikambe massing anynyumbang lima garang pera' untu' angngongkosi kaparalluanga ri Balla'Na Batara ri Yerusalem.

MATIUS 5:46

Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?