MATIUS 17:22 - KITTA' MATANGKASA'

²² Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.

MATIUS 17:22 Referans Kwoze

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MARKUS 8:31

Le'baki anjo, appakkaramulami Naajara' Isa ana'-ana' gurunNa angkanaya, musti jai passessa laNagappa Ana' Ma'rupataua. Siagang lanimusui ri pamimping-pamimpinga, ri imang-imang kapalaya, kammayatompa guru-guru agamaya. Lanibunoi, mingka ri makatalluna alloa lattallasa' poleangi.

MATIUS 17:23

Lanibunoi, mingka lambangung poleangi ri makatalluna alloa.” Jari sanna' ngasemmi si'nana atinna ana'-ana' gurunNa.

LUKAS 24:46

Nampa Nakana Isa ri ke'nanga, “Nia' tattulisi' lalang ri Kittaka angkanaya musti attallasa' poleangi Karaeng Mappasalamaka battu ri kamateanga, ri makatalluna alloa.

LUKAS 24:26

Sai musti Nakasiaki rolong Karaeng Mappasalamaka anjo passessaya, nampa anrapi' ri kala'biranNa?”

LUKAS 9:22

Nakana pole Isa, “Lajai memang tongi passessa laNakasia' Ana' Ma'rupataua, siagang lanimusui ri pamimping-pamimpinga siagang imang-imang kapalaya, kammayatompa guru-guru agamaya. Lanibunoi, mingka ri makatalluna alloa lanipabangung poleangi ammotere'.”

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

MATIUS 26:46

Ambangung mako nai', umba naki'lampa! Nia'mi battu tau le'baka ambalukangA'.”

MATIUS 24:10

Na anjo wattua jai tau lammono'boko; jai lanynyaleweng, siagang lasikabirisi massing para ia.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

1 KORINTUS 11:23

Nasaba' anjo kupangngajarranga mae ri kau, pangngajarang kutarima battu ri KalenNa Batara: angkanaya ri bangngi nipassareanna Isa, Batarata, angngallei roti;

MATIUS 26:16

Pakkaramulami anjo wattua a'boyami wattu baji' Yudas antekamma nakkulle napassareang Isa.

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

MATIUS 17:12

Mingka Kukana ri kau ngaseng, battumi Elia mingka tena niassengi ri taua. Sangka' rupami nigaukangi ri ke'nanga. Na kammatommi anjo lanagaukangangi ke'nanga Ana' Ma'rupataua.”

LUKAS 9:43

Lannasa' ngasemmi taua anciniki antekamma lompona koasaNa Allata'ala. Ri wattunna lannasa' ngaseng ija taua anciniki anjo apa-apa Nagaukang ngasenga, Nakanamo Isa ri ana'-ana' gurunNa,