MATIUS 15:26 - KITTA' MATANGKASA'

²⁶ Appialimi Isa Nakana, “Tabajikai nialle kanrena ana'-anaka, nampa nipassareang mae ri kongkonga.”

MATIUS 15:26 Referans Kwoze

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

FILIPI 3:2

Tutu laloko mae ri tau a'gau' ja'dalaka. Anjo tau kammaya siratangi nipasanrapang kongkong. Napassa-passai taua sollanna nisunna'.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

GALATIA 2:15

Memang, battu ri kalassukanta ikambe tu Yahudiki'; teai “bansa maraeng, iamintu bansa dorakaya”.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

MATIUS 15:25

Battumi anjo bainea su'ju' ri dallekanNa Isa angkana, “Kitulullaloa' tuang!”

MATIUS 15:27

Appialimi anjo bainea nakana, “Kammatojengi tuang, mingka kanre nakanrea kongkonga, iamintu sesa-sesa kanre tu'guruka battu ri mejang pangnganreanna karaenna.”