MATIUS 15:2 - KITTA' MATANGKASA'

² “Apa saba'na nanadakkai ana'-ana' gurunNu ada'-ada'na tu riolota? Kapunna langnganre ke'nanga tena na'bissa lima situru' atoranga!”

MATIUS 15:2 Referans Kwoze

LUKAS 11:38

Lannasa'mi anjo tu Farisia anciniki Isa, nasaba' tena Nabissai rolong limanNa nampa angnganre, situru' atoranga ri agamaya.

MARKUS 7:2

Le'baki nacini' ana'-ana' gurunNa Isa angnganre nara'masa' limanna. Tena nabissai rolong limanna, situru' atoranna agamaya.

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

MARKUS 7:5

Lanri kammana minjo nakkuta'nammo tu Farisia siagang guru-guru agamaya mae ri Isa, angkana, “Angngapa natena nabissai limanna ana'-ana' gurunNu punna ero' angnganre? Apa saba'na natena naturuki ana'-ana' gurunNu ada'-ada'na tu riolota?”

PA'JARIANG 1:14

Nampa Nakana Allata'ala, “Kuerokangi nia' apa-apa singara' ri langika untu' ansingari buttaya, untu' ampasisa'laki singaraka siagang bangngia, siagang untu' ampa'nassai wattu pakaramulana alloa, taunga, siagang allo lompona agamaya.” Nakajariammo anjo passalaka.

MATIUS 15:3

Appialimi Isa Nakana, “Mingka angngapa nanudakkai todong passuroNa Allata'ala, lanri ero'nu bawang anggaukangi ada'-ada'na tu riolonu?

GALATIA 1:14

Ri passala'na anggaukangai pangngajaranna agama Yahudia, inakkemi kaminang la'bi ri sikontu tu Yahudi sanrungka-rungkaku. Inakkemi kaminang rajeng angkatutui ada'na boe-boena ikambe.

ESTER 3:3

Akkuta'nangi ri ia sikamma pagawe maraenga ri balla' karaenga angkana angngapa natanaturukia parentana karaenga.