MATIUS 14:18 - KITTA' MATANGKASA'

¹⁸ Nakanamo Isa, “Erangi mae anjo apa niaka.”

MATIUS 14:18 Referans Kwoze

MATIUS 14:17

Appialimi ana'-ana' gurunNa Isa angkana, “Mingka limambatuji roti siagang ruang kayuji juku' anne niaka ri katte.”

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

MARKUS 8:6

Nasuromi Isa anjo tau jaia ammempo ri tompo'na buttaya. Nampa Naalle anjo roti tujumbatua Nappala' sukkuru' ri Allata'ala. Le'baki anjo Nabage-bagemi anjo rotia. Nampa Nasare ana'-ana' gurunNa antawa-tawai anjo tau jaia. Natawa-tawami ana'-ana' gurunNa anjo rotia.

YOHANES 6:10

Nakanamo Isa, “Suro ngasengi anjo taua ammempo.” Anjoreng ri tampaka jai ruku'. Jari ammempo ngasemmi anjo taua naung ri rukuka – yangasenna kira-kira nia' limassa'bu jaina poro tau bura'neja bawang nitassere' –.