MATIUS 13:55 - KITTA' MATANGKASA'

⁵⁵ Sai ana'na tukang kayua anne Taua? Sai niarengi Maria amma'Na, siagang assari'battangi Yakobus, Yusuf, Simon na Yudas?

MATIUS 13:55 Referans Kwoze

YOHANES 6:42

Nakanamo ke'nanga, “Sai iaminne Isa, ana'naya Yusuf? Naassengi ikambe amma'Na siagang manggeNa! Antekamma lakkulle Nakana KalenNa tu manurungi battu ri suruga?”

MARKUS 6:3

Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

LUKAS 3:23

Ri wattunna Napakkaramulamo jama-jamanNa Isa, kira-kira tallumpulo taungi umuru'Na. Manuru' panggappana taua iaminne pattottorang boe-boena Isa: Yusuf, Eli, Matat, Lewi, Malkhi, Yanai, Yusuf, Matica, Amos, Nahum, Hesli, Nagai, Maat, Matica, Simei, Yosekh, Yoda, Yohanan, Resa, Zerubabel, Sealtiel, Neri, Malkhi, Adi, Kosam, Elmadam, Er, Yesua, Eliezer, Yorim, Matat, Lewi, Simeon, Yehuda, Yusuf, Yonam, Elyakim, Melea, Mina, Matata, Natan, Daud, Isai, Obed, Boas, Salmon, Nahason, Aminadab, Admin, Arni, Hezron, Peres, Yehuda, Yakub, Ishak, Abraham, Terah, Nahor, Serug, Rehu, Peleg, Eber, Salmon, Kenan, Arpakhsad, Sem, Nuh, Lamekh, Metusalah, Henokh, Yared, Mahalaleel, Kenan, Enos, Set, Adam, ana'Na Allata'ala.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

MARKUS 15:47

Anjo wattua, niaki Maria Magdalena siagang Maria amma'na Yoses amminawang, ero' naasseng angkana kemae nitarawang maya'Na Isa.

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.

LUKAS 24:10

Iaminne areng-arenna anjo bai'-bainea ampabattuai anjo apa kajarianga mae ri ana' gurunNa Isa: Maria Magdalena, Yohana, na Maria amma'naya Yakobus, kammayatompa sikamma bai'-baine maraengang naaganga ke'nanga.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

LUKAS 1:27

Nisuroi malaeka' Gabriel mange ri sitau tulolo niarenga Maria. Anjo tuloloa eroki nipasialle siagang Yusuf, sossoranna Karaeng Daud.

MARKUS 15:40

Nia' todong siapa are bai'-baine ancini' battu bellai anjo sikamma apa kajarianga. Niaki Salome, Maria Magdalena, siagang Maria amma'na Yakobus loloa, kammayatompa Yoses.

MATIUS 27:56

Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

YOHANES 9:29

Naassemmi ikambe angkanaya le'ba'mi a'bicara Allata'ala mae ri Musa. Mingka passala'na anjo taua, tanaassengai ikambe angkanaya tau battu kemae assala'Na.”

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

LUKAS 8:20

Nia'mo sitau angkana mae ri Isa, nakana, “Pa', niaki ammatTa siagang sari'battanTa pantarang. Eroki ke'nanga angngagangKi' sicini'.”