MATIUS 13:45 - KITTA' MATANGKASA'

⁴⁵ “Punna ammarenta Allata'ala, pangngebaranna lakammaminne: Nia' sitau padanggang a'boya mutiara ka'jalaka ballinna.

MATIUS 13:45 Referans Kwoze

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

AYUB 28:18

Bella tinggina anggaranna kacara'dekanga na giwang, intang, siagang mutiara.

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MATIUS 22:5

Mingka tenaja nijampangi ri anjo tau le'baka ngaseng niburittai. Massing a'lampaji ke'nanga ri jama-jamanna – nia' a'lampa mange ri kokonna, nia' tommo a'lampa mange ri usahana;

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 12:8

Kukanamo, memang yangasenna anjo sia-siaji bawang, yangasenna tena matu-matunna, tena anggaranna.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MATIUS 13:46

Ri wattunna ammuntulu' mutiara sannaka ga'gana, a'lampa memammi linta' mange ambalukang ngasengi sikontu barang-baranna, nampa ammotere' amballi anjo mutiara silisereka.”