MATIUS 13:15 - KITTA' MATANGKASA'

¹⁵ Nasaba' tattongko' ngasemmi pikkiranna ke'nanga anne, a'jari tamallangngerai tolinna na tatassungkea matanna. Kajariammi anne, sollanna taccinika matanna tallangngera tolinna, tammahanga pikkiranna, na taeroka ammotere' mae ri Nakke, nampa Kupa'jari baji' ngaseng ke'nanga.’ ”

MATIUS 13:15 Referans Kwoze

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

ZAKHARIA 7:11

Mingka kapala batui ummakKu siagang tena sikali naero' mappilangngeri; natongkoki tolinna ke'nanga sollanna tena nallangngere'.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

YEREMIA 17:14

Batara, Kipammollea', nakua'jari akkamale. Pasalamakka', nakuakkulle salama'. IKatteji bawang Kupakala'biri'!

IBRANI 5:11

Ri sesena anjo empoanna Isa a'jari Imang Malompo, jai parallu napabattu ikambe mae ri kau ngaseng; mingka sukkaraki lanipakasingara', nasaba' sallo dudui nampa akkulle nupahang.

2 TIMOTIUS 4:4

Lanatongko'mi tolinna ke'nanga mae ri apa-apa tojenga, mingka lanasungkemi tolinna ke'nanga mae ri carita-carita kosonga.

LAMPA-LAMPANA 7:57

Natongko'mi tolinna anjo anggota-anggotana sidang pangadelang agamaya, siagang ammarrang-marrang, nampa assama-sama ke'nanga ambakkai Stefanus.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

YESAYA 57:18

Kucini'mi panggaukanna ke'nanga, mingka laKupakabaji' tonji ke'nanga. LaKururungangi siagang laKutulungi ke'nanga siagang Kusaleori tau si'naya pa'mai'na.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

LAMPA-LAMPANA 28:27

Nasaba' a'jari pokkolo'mi pikkiranna anne bansaya, nijempammi tolinna ke'nanga, siagang nitongko'mi matanna ke'nanga. Nasaba' punna tena nakamma, mattantu lamaccini'ji matanna ke'nanga, lamallangngere'ji tolinna ke'nanga, lammahanji atinna ke'nanga, siagang lammotere'mi ke'nanga mae ri Nakke, nampa Kupa'jari baji' ke'nanga ammotere',’ kammaminjo kananNa Allata'ala.”

PANGNGEBARANG 16:30

Tutuko ri tau ta'muria siagang akkedo kanynyinga, nia' antu rancana ja'dala' lalang ri atinna.