MATIUS 12:41 - KITTA' MATANGKASA'

⁴¹ Punna Allo Kiama' sallang lambangungi taua ri Niniwe siagang taua ri anne jammanga antudui ke'nanga. Nasaba' anjo taua ri Niniwe toba'mi ri wattunna akkato'ba Na'bi Yunus ri ke'nanga. Mingka kamma-kamma anne nia' anrinni lompoangang na Na'bi Yunus!

MATIUS 12:41 Referans Kwoze

MATIUS 12:42

Punna Allo Kiama' sallang, lambangungi karaeng baine battu Timboroka siagang taua ri anne jammanga antuntuki ke'nanga. Nasaba' ri wattu ero'na anjo karaeng bainea allangngereki kacara'dekanna Salomo bella sikalimi najappai, battu ri cappa'na buttaya. Mingka kamma-kamma anne, nia' anrinni lompoanganga na Salomo!”

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

ROMA 2:27

Lanapasalako anjo tu tenaya nisunnaki ikau tu Yahudia. Nasaba' niaki hukkung agama Yahudia ri kau, siagang pole ikau nisunnakko, mingka tena nanuturuki anjo hukkunga. Tena nanisunnaki ke'nanga, mingka iami ke'nanga anturuki hukkung-hukkung agama Yahudia.

YOHANES 3:31

Ia niaka battu rate ri suruga, iami la'biangang na sikamma apa-apa maraenganga. Apa battua ri lino, antamai ri golonganna tu linoa, siagang passala' apa-apa ri lino nabicara. Ia niaka battu rate la'biangangi na sikamma apa-apa maraenganga.

MATIUS 12:6

Pilangngeri bajiki anne kanangKu: niaki anrinni tau lompoanganga na Balla'Na Batara.

YUNUS 1:2

Nakana, “A'lampako mange ri Niniwe, anjo kota lompoa, untu' angngancangi, lanri Kuassengi angkanaya pandudu'na sanna' ja'dala'na.”

YEREMIA 3:11

Nampa Napauanga' Batara angkanaya manna pole nanibokoimo ri tu Israel, mingka bajikangngangiji naanjo tu Yehuda tenaya namajarre' pa'mai'na.

YOHANES 4:12

Boe-boena ikambe iamintu Yakub ansareki' anne bungunga. Ia kalenna, battu anrinni tongi angngalle je'ne' lanainunga; kammayatompa ana'-ana'na siagang olo'-olo' naparakaia, anrinni ngasengi angngalle je'ne' inung. Maka Kikana lompoangangKi' na Yakub?”

LUKAS 11:32

Ri allo kiamaka sallang, lambangummi nai' tau niaka ri Niniwe siagang taua ri anne jammanga, ansalakangi ke'nanga nasaba' ri wattunna akkato'ba Yunus mae ri taua ri Niniwe, toba'mi ke'nanga battu ri dosa-dosana. Mingka kamma-kamma anne, siagang anrinni ri tampaka nia'mi lompoanganga na Yunus!”

MATIUS 23:36

Patappa'mi angkanaya: yangasenna anjo panggaukanga lanagappa ngasengi hukkunganna tau niaka ri anne jammanga!”

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

MATIUS 12:45

Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

MATIUS 12:39

Appialimi Isa nakana, “Teai sipato' ja'dala'na siagang dorakana taua ri anne jammanga. NusuroA' anggaukangi gau' appakalannasaka? Manna se're tania' lanipicinikiangko gau' appakalannasa' pantaranganna gau' appakalannasa' le'baka kajariang ri kalenna Na'bi Yunus.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”