MATIUS 12:20 - KITTA' MATANGKASA'

²⁰ TalaNata'bangai bulo ta'dundua TalaNabunoai kanjoli ca'dia rinrana. Lappattujuangi sa'genna a'rupa kaadelanga;

MATIUS 12:20 Referans Kwoze

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

PAMMUJI 147:3

Napammollei tau la'baya pa'mai'na, siagang Naballei loko'na ke'nanga.

PAPPICINI' 6:2

Kucinikimi, nampa nia' kucini' sikayu jarang kebo'. Pabaena anjo jaranga anna'galaki anrong pana, nanisare se're songko' kakaraengang. Majui mae ri dallekang salaku tau ammeta mangea angngallei pammetanna.

2 KORINTUS 2:7

Anne kamma musti nupammopporammi, siagang parallui nupakajarre' pa'mai'na sollanna tena nasi'na dudu pa'mai'na sa'genna tappu' panrannuang.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAMMUJI 51:17

O, Batara, tulunga' a'bicara, nakulammuji-muji mae ri Katte.

2 KARAENG-KARAENG 18:21

Memang nurannuangi bantuanna Mesir; mingka anjo panggaukang kammaya sanrapangko tau ammake poko' rea a'jari takkang. Tepoki sallang anjo takkanga nampa nato'do' limannu. Kammaminjo alarapanna karaeng Mesir mae ri tau manrannuanga mae ri ia.’ ”

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

MATIUS 11:7

A'lampanamo ana'-ana' gurunna Yohanes, Nabicarami Isa mae ri anjo tau jaia passala'na Yohanes. Nakana, “Apa mange nucini' ri parang lompoa? Ruku' silawaraka nairi' anging?

KAIMANGNGANG 10:20

Baji'mi nasa'ring pakkasia'na Musa allangngereki anjo pappialinna Harun.