MATIUS 11:6 - KITTA' MATANGKASA'

⁶ Mate'nemi tau tenaya nasorongbokoA'!”

MATIUS 11:6 Referans Kwoze

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

MATIUS 26:31

Nampa Nakana Isa ri ana'-ana' gurunNa, “Anne bangngia lalari ngasengko ambokoiA' Kale-kalengKu; nasaba' nia' tattulisi' lalang ri Kittaka angkanaya: Nakana Allata'ala, ‘LaKubunoi anjo pakalawakia, nalari ngaseng tassia'-siara' gimbala'na.’

YOHANES 6:66

Pakkaramula anjo wattua jaimi ana'-ana' gurunNa a'lampa ambokoi, siagang taerokami pole amminawang ri Ia.

MATIUS 24:10

Na anjo wattua jai tau lammono'boko; jai lanynyaleweng, siagang lasikabirisi massing para ia.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

MATIUS 18:7

Teai sipato' cilakana anne linoa lanri jaina passabakkang na'jari doraka rupataua. Mingka memang tuli lania'na anjo passabakkang kammaya. Mingka la'biangampa cilakana tau a'jari passabakkanga nadoraka paranna tau!

GALATIA 5:11

Na inakke, sari'battangku ngaseng, apa saba'na nakutuli nimusu punna kubirittakang angkanaya parallui anjo paratoranna sunnaka? Punna kamma memang anjo kubirittakanga, tenamo na'jari passala' punna kubirittakang anjo Salli'Na Almasi.

PAMMUJI 119:1

Mate'nei tau tenaya callanna lalang tallasa'na siagang mannurukia ri hukkunNa Batara.

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

MATIUS 5:29

Punna passala' mata kanannu nudoraka, kocciki assulu' anjo matannu nampa nupela'! Nasaba' bajikangangi tappelaka anjo mata kanannu, naia punna nipasambilako sibatu kale antama' ri naraka.

MATIUS 13:21

Mingka tena nasallo attahang anjo kabaraka lanri tenana nabaji' angngaka'na anjo kabaraka lalang ri atinna ke'nanga. Punna natabamo susa yareka passessa ke'nanga lanri anjo kabaraka, ta'giling memammi silalonna atinna ke'nanga.

MARKUS 6:3

Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

LUKAS 7:23

Mate'nemi tau tenaya naero' ansorongbokoA'.”

YOHANES 16:1

Kupau ngasemmi anjo sikammaya mae ri kau, sollanna tena nummono' boko sallang.