MATIUS 11:28 - KITTA' MATANGKASA'

²⁸ Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

MATIUS 11:28 Referans Kwoze

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

YOHANES 7:37

Ri allo kala'busanna anjo passua'-suarranga, iamintu allo kaminang parallua, ammentemmi Isa lalang ri Balla'Na Batara. Nampa a'gora Nakana, “Inai-nai turere, musti battui ri Nakke angnginung.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

PAMMUJI 116:7

Kupakasannangi pa'maikku, saba' bajiki Batara mae ri nakke.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

MATIUS 23:4

Nasareki' atorang-atorang battala' siagang nakellaiki' anggaukangi apa sannaka susana. Mingka manna sike'de' tena todong natulungki' anggaukangi.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

PAMMUJI 94:13

Kipakasannangi ri allo-allo nia'na bala lompo, sa'genna nikekeang kali'bong untu' anjakkalaki tau ja'dalaka.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

KATO'BA 1:8

Yangasenna appakalanre, siagang appakalanre tena anjorenganna. Tena bassoro'na matanta accini'; tena sukku'na tolinta allangngere'.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

LAMPA-LAMPANA 15:10

Jari apa saba'na nanuero' ambali Allata'ala kamma-kamma anne lanri ero'nu ambattali atorang-atorang anjo tau tappaka? Na sikontutojenna manna boe-boeta, yareka manna kalenta ngaseng tena todong nanikkulle anggaukangi anjo atoranga.

AYUB 5:7

Tena! Passangalinna battu ri kalenna rupataua ampabattui cilakaya mae ri kalenna, sanrapang racci' bunga pepe' ammumba battu ri pepe' kalenna.

PAMMUJI 32:4

Allo bangngia' Kijallakkang, o, Batara, la'busu'mi kagassingangku niiso' ri bambanna alloa.

KATO'BA 1:14

Kucini' ngasemmi sikontu panggaukanna taua ri anne linoa. Patappa'mi, angkanaya yangasenna anjo sia-siaji, sanrapang tau angngondanga anging.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

YEREMIA 31:25

Ia mangnganga laKupakabajiki pakkasia'na, siagang ia posoa lanri cipuru' laKupakabassoroki.

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

YEREMIA 35:16

Jari-jarina Yonadab mannuruki ri parentana boe-boena ke'nanga, mingka ikau taerokako mannuruki ri Nakke.