MATIUS 11:1 - KITTA' MATANGKASA'

¹ Le'baki Naajara' Isa anjo sampuloa anrua ana' gurunNa, a'lampami ambokoi anjo tampaka. A'lampami mange angngajara' siagang ampa'la'bangi pappasanNa Allata'ala ri kota-kota ambania anjoreng.

MATIUS 11:1 Referans Kwoze

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LUKAS 8:1

Tena nasallo ribokoanganna, a'lampami Isa mange ri kota-kotaya, siagang ri kampong-kamponga, untu' ambirittakangi Kabara' Bajika, angkanaya lappakkaramulami ammarenta Allata'ala salaku Karaeng. Nia' tongi ana' gurunNa sampuloa anrua amminawang.

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”

2 TESALONIKA 3:6

Sikamma sari'battangku, lanri koasaNa Batara Isa Almasi, kikellai ngasengko sollanna nupakabella kalennu battu ri tau a'mala'-malasaka, siagang tau taeroka anturuki pangngajarang napabattua ikambe mae ri ke'nanga.

1 TESALONIKA 4:2

Nasaba' nuassemmi anjo pitunju'-pitunju' le'bakamo kipassareang mae ri kau ngaseng lalang koasaNa Batara Isa.

LAMPA-LAMPANA 10:42

Na Nasuromo anne ikambe ampabattui anjo Kabara' Bajika mange ri sikontu rupataua. Kammayatompa a'jari sa'bi angkanaya Iami niangka' ri Allata'ala a'jari Haking mae ri sikontu tau attallasaka ija siagang tau mateamo.

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 7:28

Le'ba'na Isa angngajara', teaimi sipato' lannasa'na ngaseng tau jaia allangngereki anjo apa Napangngajarranga.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

1 TIMOTIUS 6:14

Gaukang ngasengi sikamma anjo parentaya siagang tangkasa' yareka tena callanna, sa'genna narapi' allo kabattuanNa ammotere' Batarata Isa Almasi.

MARKUS 6:12

A'lampami anjo sampuloa anrua ana'-ana' gurunNa Isa. A'lampai ke'nanga ampa'la'bangi kabaraka angkanaya parallui taua toba' battu ri sikontu dosa-dosana.

LUKAS 23:5

Mingka pila' nakanamo ke'nanga, “Battu ri pangngajara'Na, naNaajara' sala taua ri sikontu Yudea; appakkaramulai ri Galilea Naajara' sala taua, na kamma-kamma anne anrapi'mi mae anrinni pangngajara' salaNa.”