MATIUS 10:36 - KITTA' MATANGKASA'

³⁶ Jari tau lalang ballaka tonji sallang la'jari bali lompo.

MATIUS 10:36 Referans Kwoze

MIKHA 7:6

Nasaba', ri wattu kammaya anne para anggota kaluarga massing lasimusu; ana' bura'nea nahinai manggena, ana' bainea naewai amma'na, siagang mintu bainea a'besereki siagang matoang bainena.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

PAMMUJI 55:13

Ebara' angkana nacalla' musungku, akkulle ija' attahang. Ebara' angkana nahina' balingku, akkulle ija' ampaccokkoangi.

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.