MATIUS 1:22 - KITTA' MATANGKASA'

²² Nakajariang ngasemmo anjo sikammaya sollanna a'rupamo apa le'baka napabattu na'bi Nasuroa Batara, angkanaya,

MATIUS 1:22 Referans Kwoze

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

LAMPA-LAMPANA 3:18

Na lanri kammana tomminjo, na'rupamo apa le'baka Napabattu riolo Allata'ala lalang ri na'bi-na'biNa, angkanaya musti lanisessai anjo Karaeng Mappasalama' nipa'janjianga.

1 KARAENG-KARAENG 8:24

Le'ba'mi Kirupai janjinTa mae ri manggeku Daud. Anjo apa Kipa'janjianga Kigaukammi anne alloa.

YOHANES 18:9

Lanri akkana kammana anjo Isa, a'rupami apa le'baka Napau pirangalloang angkana: “Bapa', sikamma tau Kipassareanga ri Nakke, manna sitau talaniakka tappela'.”)

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

MATIUS 13:21

Mingka tena nasallo attahang anjo kabaraka lanri tenana nabaji' angngaka'na anjo kabaraka lalang ri atinna ke'nanga. Punna natabamo susa yareka passessa ke'nanga lanri anjo kabaraka, ta'giling memammi silalonna atinna ke'nanga.

MATIUS 12:17

Lanri kammana, a'rupami apa le'baka Nasuro pabattu Allata'ala ri Na'bi Yesaya angkanaya,

MATIUS 2:15

Ammantammi ke'nanga anjoreng sa'genna mate Herodes. Lanri kammana, a'rupami kananNa Batara le'baka Nasuro pabattu ri na'biNa, angkanaya, “Kukioki ammotere' anakKu battu ri Mesir.”

MATIUS 8:17

Lanri Nagaukanna ngasemmo Isa anjo sikammaya, a'rupami apa le'baka napau Na'bi Yesaya angkanaya, “Natanggongi sikontu pa'risitta siagang Napammolei sikontu garrinta.”

MATIUS 5:17

“Teako sala pahang kanukana battuA' assuro pelaki atorang agama napabattua Musa siagang napangngajarranga na'bi-na'bia. Tena naKubattu assuro pelaki, passangalinna eroki Kupakasingara' battuanna sitojennaya.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

PAPPICINI' 17:17

Nasaba' Napagio'mi Allata'ala atinna ke'nanga untu' anggaukangi pattujunNa Allata'ala. LaNapassamaturu'mi ke'nanga untu' ampassareangi kakoasanna ke'nanga mae ri anjo olo'-oloka sollanna ammarenta anjo olo'-oloka sa'genna kajariang apa Napaua Allata'ala.

ROMA 1:2

Anjo Kabara' Bajika le'ba'mi Napa'janjiang Allata'ala ri jammang riolo, Nasuro pabattua ri na'bi-na'bia, siagang le'ba'mi tattulisi' lalang ri Kittaka.