MATIUS 1:2 - KITTA' MATANGKASA'

^2-6a Abraham, Ishak, Yakub, Yehuda massari'battang, Peres siagang Zerah (amma'na ke'nanga niarengi Tamar), Hezron, Ram, Aminadab, Nahason, Salmon, Boas (amma'na niarengi Rahab), Obed (amma'na niarengi Rut), Isai, na Karaeng Daud.

MATIUS 1:2 Referans Kwoze

LAMPA-LAMPANA 7:8

Le'baki akkana kamma Allata'ala, Napa'jari assami anjo janjinNa lalang pangngadakkang sunnaka. Jari ri wattunna lassu' ana'na Abraham, iamintu Ishak, nasunna'mi anjo ana'na ri wattunna sagantuju allomo umuru'na. Nampa ribokoanganna sallang nasunna' tommi ana'na Ishak, iamintu Yakub. Nakamma tomminjo Yakub, nasunna' tongi anjo ana'na sampuloa anrua, a'jaria boe-boena bansa Yahudia.

PA'JARIANG 25:26

Ri wattunna nilassukang ana' makaruaya, limanna anna'galaki ri kacunu' bangkenna Esau. Iaminjo saba'na naniareng Yakub. Annampulo taung umuru'na Ishak, wattu lassu'na ke'nanga.

PAPPICINI' 7:5

battu ri tasse're-se'rea suku nia' 12.000 jaina tau. Iamintu battu ri suku: Yehuda, Ruben, Gad,

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

1 PATTOTTORANG 1:34

Ishak ana'na Abraham, nia' rua ana'na bura'ne, iamintu: Esau siagang Yakub niarenga todong Israel.

1 PATTOTTORANG 1:28

Abraham nia' rua ana'na bura'ne, iamintu: Ishak siagang Ismael.

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

PA'JARIANG 25:19

Iaminne riwaya'na Ishak, ana'na Abraham.

MATIUS 1:1

Iaminne pattottorang boe-boeNa Isa Almasi, sossorang battua ri Daud, siagang sossorang battua ri Abraham. Punna nisusungi battu ri Abraham sa'genna Daud, iaminne areng-arenna ke'nanga: