MARKUS 9:42 - KITTA' MATANGKASA'

⁴² “Inai-nai a'jari passabakkang na'jari tenamo natappa' ri Nakke kalase'renna tau ca'di kammaya anne, bajikangangi punna nigentungi batu kallonna nampa nibuang naung ri tamparanga.

MARKUS 9:42 Referans Kwoze

MATIUS 18:6

“Inai-nai a'jari saba' natenamo natappa' ri Nakke tau ca'di kammaya anne, bajikangangi punna nigentungi batu kallonna nampa nitallangngang naung ri tamparanga.

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

2 KORINTUS 6:3

Taerokai ikambe angkanaya nibilang salai palayanang nagaukanga ikambe. Jari usahami ikambe sollanna tena manna sitau akkulle ampasalai jama-jamang nagaukanga ikambe.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

2 PETRUS 2:2

Mingka manna nakamma, lajai tau ampinawangi katallassanna anjo guru takontutojenga, nikoasaia ri hawa napasuna ke'nanga. Siagang lanri panggaukanna anjo gurua najaimo tau naturungang anghinai Oloang Katojengang mangea ri Allata'ala.

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

ROMA 15:21

Nia' tattulisi' lalang ri Kittaka angkanaya, “Sikamma tau tenayapa nale'ba' anggappai birittaNa, lanacini'mi; siagang tau tenayapa nale'ba' allangngere', lanapahammi.”

MATIUS 17:27

Mingka takkulleaki' ansusai nyawana anjo taua. Jari a'lampamako mange ammekang ri tamparanga. Allei juku' uru nubantunga. Nia' doe' lanugappa lalang ri bawana anjo jukuka, anggannaka lanipa'bayarrang sima sipa'rua! Allei anjo doeka, nampa nubayara' simata mange ri Balla'Na Batara!”