MARKUS 9:39 - KITTA' MATANGKASA'

³⁹ Mingka angkanami Isa, “Teako pisangkai. Nasaba' tenanniakka tau a'gau' appakalannasa' lalang arengKu, akkulle ampau kodiA'.

MARKUS 9:39 Referans Kwoze

1 KORINTUS 12:3

Musti nuassengi angkanaya tau nipimpinga ri RohNa Allata'ala takkulleai angkana, “Poro nitunra laloi Isa!” Kammayatompa tenanniakka tau akkulle angkana, “Iami anjo Isa Batara!” punna tanipimpinga ri RohNa Allata'ala anjo taua.

FILIPI 1:18

Mingka tena nangngapa! Nasaba' manna pole antekamma, iaka nanigaukang anjo jamanga lanri pattujuang baji' yareka napattujuang sala, mingka kanibirittakang mangkaji Almasi; jari, sannangi kusa'ring pa'maikku. Na tuli lakammana sannanna pa'maikku;

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.

MARKUS 9:38

Nakanamo Yohanes ri Isa, “O Pa' Guru, nia' le'ba' nacini' ikambe tau ambongkai setanga lalang arenTa. Na kupisangkai, nasaba' teai taunta.”

MARKUS 9:40

Nasaba' tau tenaya namusuki', akkulle nikana a'jari agangi ri katte.

PAMMUJI 109:20

O, Batara, Kipitujuimi hukkungang anjo tau antudua', mae ri tau a'bicara ja'dalaka ri batangkalengku.