MARKUS 9:25 - KITTA' MATANGKASA'

²⁵ Wattunna Nacini' Isa, angkanaya appakkaramulami jai tau battu a'lipung, Nasuromi a'lampa anjo roh ja'dalaka. Nakana, “E kau roh tongoloka siagang pepea, Kuparentakangko assulu' battu lalang ri kalenna anne anaka, siagang tea' laloko antamakki pole!”

MARKUS 9:25 Referans Kwoze

LAMPA-LAMPANA 16:18

Niaki pirangallo are sallona tuli amminawang anjo bainea akkiok-kio' kamma anjo. Sa'genna takkulleami sa'bara' Paulus napakamma; jari assailemi Paulus, nampa nakana ri anjo rohna setanga, “Lanri arenNa Isa Almasi, kusuroko assulu' battu ri anne bainea!” Anjo wattua, assulu' memammi anjo rohna setanga battu lalang ri kalenna anjo bainea.

LUKAS 9:42

Lalang a'jappana anjo anaka mae ri Isa, nipatappasa'mi anjo anaka ri anjo setanga, siagang a'jari ka'doro'mi kalenna. Mingka niga'gara'mi ri Isa anjo roh ja'dalaka, sollanna assulu', na'jari baji'mo anjo anaka. Nampa nipassareang anjo anaka ammotere' mange ri manggena.

MARKUS 9:15

Nacini'na taua nia' battu Isa, takkalannasa'mi ke'nanga, nampa lari-lari mange anruppai.

MATIUS 17:18

Nampa Nabongka Isa anjo roh ja'dalaka battu lalang ri kalenna anjo anaka. Assulu'mi anjo roh ja'dalaka, na'jari baji'mo anjo anaka silalonna.

YUDAS 1:9

Manna kalenna Mikhael, iamintu kapalana malaekaka, tale'bakai a'gau' kamma anjo. Ri wattunna a'besere' siagang Billisika passabakkang inai langgappai maya'na Musa, tena nabarani Mikhael angngadeli siagang bicara hina Billisika. Angkanaji bawang Mikhael, “LaNapakainga' lompoko Batara!”

LUKAS 11:14

Ri se'reang allo, nia' se're tau pepe napantamakki setang, na Nabongka Isa assulu' anjo setanga battu lalang ri kalenna anjo tau pepea. Assulu'namo anjo setanga, appakkaramulami anjo taua a'bicara. Jaimi tau lannasa'.

LUKAS 8:29

Nakkana kamma anjo taua, lanri Nabongkai Isa assulu' anjo setanga battu ri kalenna anjo taua. A'mole-molemi nipantamakki ri anjo setanga, sa'genna manna nisikko' ngaseng rante limanna siagang bangkenna, siagang sanna' nijagaina, mingka tuli natappu'-tappu'ji anjo rantea, nampa nierang ri setanga mange ri parang lompoa.

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

LUKAS 4:35

Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

MATIUS 12:22

Le'baki anjo, nia'mo se're tau buta siagang pepe nisosoka ri setang nierang mae ri Isa. Naballeimi Isa anjo taua sa'genna akkullemo accini' siagang a'bicara.

MARKUS 9:24

Ammarrang lompomi linta' manggena anjo anaka, nakana, “O Batara, tappakka', mingka kurang jarreki tappakku. Kitulunga' sollanna a'jari jarre' tappakku!”

MARKUS 9:26

Ammarrammi anjo roh ja'dalaka, nampa napa'jari ka'doro' kalenna anjo anaka, nampa assulu'. A'jari pi'lasa'mi anjo anaka, sangkamma maya' nicini', sa'genna nakana ngaseng taua, “Matemi!”