MARKUS 9:23 - KITTA' MATANGKASA'

²³ Appialimi Isa Nakana, “Apa kanannu? Punna akkulleKi'? Yangaseng-ngasenna akkullei, assala' tappa' taua!”

MARKUS 9:23 Referans Kwoze

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

MARKUS 11:23

Kapunna tappakko ri Allata'ala, akkulleko angkana ri anne bontoa, ‘Ta'angkakko nutassambila antama' ri tamparanga!’ Tena tanipa'jariannu, assala' tena nubata-bata siagang tappakko angkanaya lakajariang tojeng-tojengi numinasaia.

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

LUKAS 17:6

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

LAMPA-LAMPANA 14:9

Ammempomi anjo tau pesoka ampilangngeri Paulus a'bicara. Nacini'mi Paulus angkana tappaki anjo tau pesoka, jari akkullei niballei. Najanjammi Paulus anjo taua,

MARKUS 9:22

A'mole-molemi anjo roh ja'dalaka ero' ambunoi, naalle natu'gurang antama' ri pepeka siagang antama' ri je'neka. Mingka punna akkulleKi' antulungi, Kikamaseang sai siagang Kitulung sai!”

MARKUS 9:24

Ammarrang lompomi linta' manggena anjo anaka, nakana, “O Batara, tappakka', mingka kurang jarreki tappakku. Kitulunga' sollanna a'jari jarre' tappakku!”

MATIUS 14:29

Appialimi Isa Nakana, “Battu mako mae.” Jari naummi Petrus battu ri biseanga, a'jappa irate ri tompo'na je'neka, ero' mange ri Isa.