MARKUS 9:2 - KITTA' MATANGKASA'

² Annangallo le'ba'na anjo Naerammi Isa iamintu Petrus siagang Yakobus na sari'battanna Yohanes, mange tassa'la' ri se'reang bulu' tinggi. Amminrami tanja'Na Isa ri dallekanna ke'nanga.

MARKUS 9:2 Referans Kwoze

YESAYA 33:17

Nia' se're wattu sallang nanucini' se're karaeng ammarenta siagang accaya ri pa'rasangang niaka ri tompo'na buttaya.

MARKUS 5:37

A'jappa tulusuki Isa, mingka tena Napa'biangi taua amminawang, pantaranganna Petrus siagang Yakobus na Yohanes sari'battanna.

MARKUS 14:33

Nampa Nakio' Petrus, Yakobus siagang Yohanes a'lampa siagang KalenNa. Appakkaramulami si'na siagang lussa' pa'mai'Na.

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

2 KORINTUS 13:1

Iaminne makapintallungku battu angkunjungiko. Nia' tattulisi' lalang ri Kittaka angkanaya, “Punna nia' parkara musti nia' rua yareka tallu tau a'jari sa'bi nampa a'jari assa anjo parkaraya.”

YESAYA 53:2

Nakaerokangi Batara sollanna a'jari rapang cu'la' anjo atanNa attimboa ri butta rosoka. Tena baji'-baji' ri ia lanicini'; tena apa-apa lakkulle ningai ri ia.

1 KARAENG-KARAENG 18:42

A'lampami Ahab mange angnganre, nampa Elia nai'mi ri Moncong Karmel. Anjoreng su'ju'mi sa'genna rapa' rupanna naung ri buttaya ri alla'na ruaya kulantu'na.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

MARKUS 16:12

Le'baki anjo Napappicinikammi KalenNa Isa mae ri rua ana' gurunNa, sitabanga a'jappa mange ri se'reang kampong.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

MATIUS 14:13

Nalangngere'na Isa anjo kabara'na Yohanes, nai'mi ri biseanga, na'lampa kale-kalenna ambokoi anjo tampaka. A'lampai mange akkale-kale ri pammantangang sino-sinoa. Mingka nalangngere'na taua anjo, a'lampami ke'nanga ambokoi kota-kotana mange ampinawangi Isa. Ammolongangi ke'nanga a'jappa rate ri bontoa mange ri tampa' lanamangeia Isa.

1 KARAENG-KARAENG 18:33

Nasusungimi kayu tunuang irateanna anjo tampa' pakkoro'bangnganga, nampa napolong-polong anjo sapi sikayua siagang napadongko' irateanna anjo kayua. Nampa nakana, “Bonei je'ne' appa' katoang sa'genna rassi, nampa tumpai anjo je'neka irateanna anjo koro'banga siagang kayua.” Le'baki nagaukang ke'nanga anjo kammaya,